👉 Semaglutide ဟာ သွေးတွင်းသကြားဓာတ် ပမာဏကို မြှင့်တင်ပေးသည့်အပြင် အစာစားချင်စိတ်ကိုလည်း လျှော့ချပေးတဲ့ ဆေးဝါးတစ်မျိုးဖြစ်ပါတယ်။ အစကနဦးမှာ ဆီးချိုသွေးချို အမျိုးအစား (၂) ကို ကုသဖို့အတွက် ဖန်တီးခဲ့တဲ့ ဆေးဝါးတစ်မျိုး ဖြစ်ပြီး

👉 အဓိက လုပ်ဆောင်ချက်တွေအနေနဲ့

♦️ အစာခြေနှုန်းကိုပုံမှန်ထက် လျှော့ချခြင်းဖြင့် အစာစားချင်စိတ်ကိုလျှော့ချပေးခြင်း
♦️သွေးတွင်းသကြားဓာတ်ကို ထိန်းညှိခြင်း တို့ ပြုလုပ်ပေးပါတယ်။

✅ အကျိုးကျေးဇူးတွေအနေနဲ့

• ကိုယ်အလေးချိန်ကို အချိန်ကြာရှည်စွာ လျှော့ချနိုင်ခြင်း
• သွေးချိုဆီးချိုထိန်းချုပ်ရာတွင် အလွန်အထောက်အကူဖြစ်စေခြင်း
• နှလုံးသွေးကြောကျန်းမာရေးကောင်းမွန်စေခြင်း (အဆီဓာတ်စုပုံမလာအောင် ချေဖျက်ပေးခြင်းဖြင့် နှလုံးရောဂါအန္တရာယ် လျော့နည်းစေနိုင်ပါတယ်)

👉 ဒါပေမယ့် ဒီလိုအခြေအနေရှိသူတွေ

* သိုင်းရွိုက်ကင်ဆာ ရှိသူများ
* Multiple Endocrine Neoplasia syndrome type 2 (MEN 2) ရောဂါရှိသူများ
* သရက်ရွက် ရောင်ရမ်းဖူးသူများ (Pancreatitis History)
* ကိုယ်ဝန်ဆောင် သို့မဟုတ် နို့တိုက်မိခင်များ
* ကျောက်ကပ်ပြဿနာ ရှိသူများ အနေဖြင့် Semaglutide အသုံးပြုရန် သက်ဆိုင်ရာဆရာဝန်ကြီးတွေနဲ့ ဦးစွာ ဆွေးနွေးတိုင်ပင်ဖို့ လိုအပ်ပါတယ်။

⚠️ Semaglutide ကိုအလွန်အကျွံသုံးစွဲမိရင်

* ဘေးထွက်ဆိုးကျိုးတွေအနေနဲ့ ပျို့အန်တာ၊ ဝမ်းချုပ်တာတင်မကဘဲ ပန်ကရိယရောင်တာနဲ့ သည်းခြေကျောက်တည်တာတွေအထိ ဖြစ်နိုင်ပါတယ်။
– အာဟာရချို့တဲ့ခြင်း (အစား သိပ်မစားချင်တော့တဲ့အတွက် ဗီတာမင်ဓာတ်တွေ နည်းသွားတတ်ပါတယ်)
– စိတ်ပိုင်းဆိုင်ရာ ထိခိုက်နိုင်ခြင်း
– ဆေးယဉ်ပါးတာနဲ့ အခြားဘေးထွက်ဆိုးကျိုးများစွာ ခံစားရနိုင်ပါတယ်။

💯 Semaglutide ဟာ သိပ္ပံနည်းကျအထောက်အထားများအရ ကိုယ်အလေးချိန် လျှော့ချရာမှာ အကျိုးပြုနိုင်တဲ့ ဆေးတစ်မျိုးဖြစ်ပါတယ်။ ဒါပေမယ့် ဘယ်လိုဆေးဝါးကိုမဆို ဆရာဝန် ဒါမှမဟုတ် ကျန်းမာရေး ပညာရှင်တွေရဲ့ ကြီးကြပ်မှုနဲ့ ညွှန်ကြားမှုအောက်မှာသာ စနစ်တကျ အသုံးပြုသင့်ပါတယ်။

✅ ကိုယ်အလေးချိန် လျှော့ချဖို့အတွက် အကောင်းဆုံးနည်းလမ်းတွေကတော့-

* ကျန်းမာရေးနှင့် ညီညွတ်သော အစားအသောက်ပုံစံ ကို စားသုံးခြင်း
* ပုံမှန် ကိုယ်လက်လှုပ်ရှား လေ့ကျင့်ခန်း ပြုလုပ်ခြင်း
* လုံလောက်စွာ အနားယူ အိပ်စက်ခြင်းတို့ပဲဖြစ်ပါတယ်။