ခေါင်းကိုက်ခြင်းသည် အဖြစ်များတဲ့ သာမန် ဖြစ်ရိုးဖြစ်စဉ် လက္ခဏာ တစ်ခု ဆိုသော်လည်း တစ်ခါတစ်ရံ ရောဂါတစ်ခုခု၏ ရှေ့ပြေးလက္ခဏာ ဖြစ်နေတတ်ပါသည်။
ခေါင်းကိုက်ခြင်း၏ ဖြစ်နိုင်သော အကြောင်းအရင်း များတွင် ဦးနှောက်အကျိတ် (Brain Tumor) လည်းပါဝင်ပါသည်။ ဦးနှောက်အကျိတ်သည် အသက်အရွယ်မရွေး ဖြစ်နိုင်ပြီး မိသားစုထဲတွင် အလားတူရောဂါဖြစ်ဖူးသူရှိပါက မျိုးရိုးလိုက်တတ်ပါသည်။ ဓာတ်ရောင်ခြည်/ ဓာတုပစ္စည်းများနှင့် ထိတွေ့မှုရှိခြင်း၊ ဦးနှောက်တွင် မွေးရာပါ ချို့ယွင်းချက်ရှိခြင်းတို့ကြောင့်လဲ ဖြစ်နိုင်ပါသည်။
ဦးနှောက်အကျိတ် ၏ ရောဂါလက္ခဏာများ
- အပြင်းအထန်ခေါင်းကိုက်ခြင်း
- တက်ခြင်း (ဖျားနာခြင်း နှင့် အတက်ရောဂါများ မရှိဘဲ)
- ရံဖန်ရံခါ သတိလစ်သွားခြင်း
- ပျို့အန်ခြင်း
- ကိုယ်တစ်ခြမ်းအားနည်းသလို ခံစားရခြင်း
- လမ်းလျှောက်လျှင် ဟန်ချက်မညီခြင်း
- အကြားအာရုံ နှင့် အမြင်အာရုံ ချို့ယွင်းလာခြင်း
- စဉ်းစားဉာဏ် နှင့် မှတ်ဉာဏ်ဆိုင်ရာ ချို့ယွင်းလာခြင်း
- စကားပြောလေးလာခြင်း
- စိတ်နေစိတ်ထား နှင့် အပြုအမူပြောင်းလဲလာခြင်း
ဦးနှောက် အကျိတ်တိုင်းဟာ ကင်ဆာလား ?
မဟုတ်ပါ။ ဦးနှောက်အကျိတ်များတွင် ကင်ဆာမဟုတ်သော အကျိတ် (Benign Tumors) နှင့် ကင်ဆာအကျိတ် (Malignant Tumors) ဆိုပြီး ၂ မျိုး ခွဲခြားနိုင်ပါသည်။
ဦးနှောက်ကင်ဆာဖြစ်လာလျှင်ကုသလို့ရလား ?
ကုသနည်းများသည် အကျိတ် အမျိုးအစား၊ အရွယ်အစား နှင့် ဖြစ်သည့်နေရာပေါ် မူတည်ပါသည်။
- ခွဲစိတ်ခြင်း
- ကင်ဆာဆေးသွင်းခြင်း
- ဓာတ်ရောင်ခြည်ပြခြင်း
- ဓာတ်ရောင်ခြည်သုံးကာ ခွဲစိတ်ခြင်း
- အကျိတ်ပြန့်ပွားမှုနှင့် ကြီးထွားမှုကို နှေးစေသော ဆေးများသောက်ခြင်း စသည့် ကုသနည်းမျိုးစုံ ရှိပါသည်။
ဦးနှောက်၊ အာရုံကြော နှင့် ကျောရိုးအာရုံကြောမကြီးဆိုင်ရာ နိုင်ငံခြားခွဲစိတ်အထူးကုဆရာဝန်ကြီး Dr Haroon M. Pillay သည် မန္တလာဆေးရုံတွင် လစဉ်လာရောက်ကုသပေးမည်ဖြစ်ကြောင်း သတင်းကောင်းပါးလိုက်ပါသည်။